Для фотаздымка няма рэцэпту

На мінулым тыдні “Школа фотарэпарцёра”, што ладзіцца ў межах “Медыястудыі”, наведала выставу катоў і прагулялася па сонечным Гродна. Так праходзіў не адпачынак яе слухачоў, а першы практычны занятак па фотажурналістыцы. “Эмоцыі, шукайце эмоцыі! Проста фатаграфаваць катоў – гэта зусім не цікава” – настойліва рэкамендаваў трэнер, вядомы фатограф і лаўрэат шматлікіх міжнародных прэмій, Аляксандр Саенка. Ледзьве праціскаючыся паміж мноствам цікаўных наведвальнікаў, будучыя фотапрофі накіраваліся ў пошуках каларытных вобразаў прадстаўнікоў сямейства кашачых і іх клапатлівых гаспадароў. Здаецца, што гэта ім удалося.  

Фота: Жэня Кандратовіч

Пры здымцы ж на вуліцах горада асноўны прынцып – пошук нейкай ….таямніцы: цікавых твараў, дзеяў, позіркаў, гульні светаценяў і.гд. - таго, што б адразу магло “зачапіць” чытача, прымусіць яго затрымаць свой позірк на дадзеным здымку…Прымусіць разгадваць гэту таямніцу, адным словам.

Фота: Алеся Яфімава

У адваротным выпадку, па словах Аляксандра, гэта простая фіксацыя, і гэта таксама не цікава. Пры гэтым ж яшчэ і вельмі важна для фотарэпарцёра – заставацца непрыкметным для сваіх аб’ектаў. Як гэтага дасягнуць – аказалася цэлай навукай.  

Фота: Даша Чырская

Пазней, ужо на абмеркаванні зробленых фота выявілася, што не існуе універсальнага рэцэпту, які б дазволіў атрымаць добрае фота. Галоўнае ў ім – наяўнасць гармоніі. Вучыцца дасягаць яе і працягнуць далей слухачы “Медыястудыі”.  

Фота: Уладзіслава Барысік

Вольга Юрэвіч